Aye, that's recht. Had been bidin' with my grandfather in Macduff and on the wey back doon to Glasgow, I speirt masel if I wis needin tae di a wee hill. Aye min! I parkit the car just aff the B9002 and made for Dry Know - well, it wis onythin but! Mind you, the wee pathy huds weel to thon fince and afore lang, I hid the views bain to Ben Rinnes (fit like Davie?) and recht ower the Cairngorms - trappit in between the fog and the cloud. Fit a size o' cairn at the top - huge mongled big steens as if they'd been thrust oot the grun min. Naebody aroon, hid 5 tae masel and then plodded back doon and roon aboot. Fit a fine wee hill. Ta ta.
